Teknologia berrietara egokitu nahirik Eusko Ikaskuntzak bere datu-baseak informatizatzen eta artxiboak digitalizatzen hasi zen 1995.en urtean. Orduz geroztik erakundearen %90a digitalizatu da. Aurtengoen artean Yakintza nabarmendu du erakundeak, 1933 eta 1936 artean argitaratutako euskal kultura aldizkaria; literatur sorkuntzak, historia, etnografia, arte-ikerketak eta iritzi-idatziak biltzen dituena. Bestalde 351 lan osatzen duten artikulu eta monografikoak sareratu dira. Guztira 18.600 orrialde digitalizatuta bukatu dute eta 23.500 sareratu. Horrez gain, beste 18.000 orrialde Hedatuz gordailura gehitu dira. Abantailetako bat horien aurkibidea ere antolatuz orrialdeetan testu osoa bilatzeko aukera dagoela da.

Eusko Ikaskuntzak hainbat proiektu jarri ditu martxan azken urteotan, adibidez Auñamendi Entziklopediaren bertsio digitala, hainbat datu-base, Euskonews & Media zientziari buruzko astekariaren aleak sareratzea eta orain digitalizatutako 42.000 orrialde gehiagorekin aurkezten da. Katalogoa Euskomediaren webguneko informazio sisteman eta Hedatuz OAI gordailuan dago eskainia.