Esku Irrati eta telebistako kazetaritza digital eta analogikoaren azterketa sakon, eguneratu, zientifiko eta kritikoa egiten da liburu honetan. Agian, ikus-entzunezko informazioaren inguruan euskaraz argitaratu den lanik sendoena eta zabalena da, hiru ardatz nagusiak artez jorratzen baititu: informazioaren teoria, irrati eta telebistako kazetaritza-teknikak, eta ikus-entzunezko lengoaia.

Beraz, teoriarekin batera, eguneroko jardunean kazetari batek behar dituen teknikak modu argian erakusten ditu eta gaur egun irrati- eta telebista-kateek ematen duten (eta ez duten) informazioa ere zorrotz aztertzen du.

Liburu hau egiteko, autoreek, beren prestakuntza eta ikerketarekin batera, hainbat profesional eta adituren ekarpenak jaso dituzte, hala nazioartekoak nola bertakoak. Horregatik, goi-mailako kalitatea du eta oso baliagarria izango da komunikatzaile, kazetari, irakasle eta ikasleentzat. Ezinbesteko erreferentzia informazioaren esparruan.