Publizitate eta Lehiaketa Desleialaren Zuzenbideari buruzko liburu honek gai bi horien inguruko oinarri juridikoak modu ulergarri eta erraz batean azaltzea du lehenengo helburu. Oinarrizko kontzeptu juridikoen garapenarekin batera, hainbat adibide praktiko eta adierazgarri ere jasotzen dira.
Liburua Publizitate eta Harreman Publikoetako graduatuentzat sortua da bereziki, graduko programan jasotzen diren edukiei erantzuten baitie. Edonola ere, testu egokia da publizitateari buruzko legeria ezagutu nahi duten adituentzat eta sektoreko egitura juridikoa ezagutu nahi duen edonorentzat.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
