R analisi estatistiko eta grafikoetara bideraturiko sistema bat da, Ross Ihaka-k eta Robert Gentleman-ek sortua.
Sistema honek nolabaiteko izaera bikoitza du: alde batetik programa bat da, baina bestetik programazio-lengoaia ere bada. R sistema zabalkuntza librea eta kode irekia duen software bat da, SPSS, SAS, eta halako pakete estatistiko komertzial ezagunen ordezkoa.
Dokumentu honen helburua R erabiltzen hasi nahi duten pertsonentzat nolabaiteko hasiera-puntu bilakatzea da. R-ren oinarrizko erabilera lantzeko asmoz, programa horren funtzionamendua sakontzea erabaki du egileak.
R-k eskaintzen dituen aukera piloak ikusita, komeni da hasiberriek kontzeptu eta nozio batzuk bereganatzea eta pixkanaka beren ezagueran aurrera egitea. Bestalde, azalpenak ahalik eta sinpleenak izan daitezen saiatu da egilea, hori bai, xehetasun erabilgarrienak ahaztu gabe; xehetasun horiek, askotan taulen bidez azaltzen ditu egileak.