Nola jaso ospakizun bat? Nola jaso ospakizun hori mende erdia bada? Eta mende erdi hori betetzen badu Udako Euskal Unibertsitatea bezalako erakunde akademiko nazional herritar eta herrikoiak? UEU praktikan eta egintzan hezurmamitzen denez, halako ekimen batek ematen digun bizipoza hitzen bidez transmititzea erronka handi bat da, UEUk dituen erronkak bezala.
Esku artean duzun liburu honetan jaso nahi izan ditugu #50UEUrtean zehar jazotakoak eta aurrera begira ditugun ametsak. Horretarako, 50 urte hauen protagonisten bizipenak laburtu ditugu, bai eta ospakizun-urtean zehar egindako hausnarketak eta ekitaldiak ere.
Liburu hau artefaktu bat da, #50UEUrteak bizi izan zituenak berriro zirrara hori bizitzeko; eta bizi izan ez zituztenek UEUrekin amets berriak bizi ahal izateko. Datorrenari begira jartzea, etorkizunari aurre hartzeko asmoz. #ElkarEkin.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
