Liburua

Emozioak eta gaitasun sozioemozionalak

Egilea(k):
Aitor Aritzeta Galan, Goretti Soroa Martinez, Itziar Etxebarria Bilbao
ISBN:
978-84-8438-469-4
SHU:
15
Argitalpen-urtea:
2013
Gaiak:
Psikologia, Emozioak, Sozioemozionala
Jakintza-Arloak:
Psikologia
Argitaletxea:
UEU
Orrialde kopurua:
252

Emozioak eta gaitasun sozioemozionalak deritzon ikasmateriala, emozioen oinarrizko ezagutzan sakontzeko eta gaitasun sozioemozionalak praktikan jartzeko interesa duen edonori zuzenduta dago. Interes bikoitz horri jarraiki, bi zatitan banatu dugu liburua.

Lehendabiziko zatian, oinarrizko ezagutza teorikoak jorratzen dira lau ataletan banandurik.  Lehenengoan, oinarrizko emozioak (poza, beldurra, haserrea, tristura, nazka, sorpresa/interesa) ikuspegi psikologiko batetik aztertzen dira eta, alderdi anitzeko definizioak aurkezteaz gain, emozioen funtzioetan, eredu teorikoetan eta bizipen emozional subjektiboan sakontzen da. Bigarren atalean, berriz, emozio sozialak (errua, lotsa, harrotasuna, inbidia, jeloskortasuna eta enpatia) lantzen dira beraien arrazoiak eta ondorioak aztertuz. Hirugarren atalean, erregulazio emozionala lantzen da desatseginak izan daitezkeen fenomeno emozionalen ondorioak erregulatzeko bideak aztertuz. Azkenik, laugarren atalean, gaitasun sozioemozionaletan sakontzen dugu adimen emozionalak biltzen dituen oinarrizko gaitasun emozionalak azalduz.

Bigarren zatian, hamasei tailer praktiko aurkezten dira, guztiek sarrera teorikoa, tailerra deskribatuko duen fitxa, ariketa praktikoak eta erantzun-orriak dituztelarik. Tailer horietan zati teorikoan garatutako oinarriak aplikatzen dira, erregulazio emozionalari eta autoezagutza-prozesuari arreta berezia jarriz.

Aitor Aritzetari egindako elkarrizketa irakurri

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea