Barnealdean topatzen diren mapen jatorria, Geoatlas eta Munduko eta Euskal Atlasa (Elhuyar fundazioa 2006) liburuetako mapetan oinarritzen da. Cuatroas Bilboko inprimategiak inprimatui du Gaur egungo munduaren historia, 1945-2009, azalaren diseinua Igor Markaidarena izan da, irudien egokitzapena Andoni Santiagok egin du, Ander Altuna Gabiola arduratu da hizkuntza zuzenketetaz eta aldiz, UEUk egin ditu banaketa lanak. Hona hemen liburuaren laburpena:

Autoreak: Mikel Aizpuru Murua, Fernando Martinez Rueda

Gaiak: Historia

Jakintza-arloak: Historia

ISBN: 978-84-8438-334-5

Argitarapen urtea: 2011

Orrialdeak: 348

Nekez ulertu daiteke egungo mundua azken hirurogei urteetako historia kontuan hartu gabe. Garai horri buruzko oinarrizko azalpenak, bibliografia, testuak eta mapak eskaintzea da liburu honen helburua, arlo hau ezagutu nahi edo behar duen orok euskaraz idatzitako materiala izan dezan eskura. Kronologiari dagokionez, 1945. urtea dugu abiapuntua eta gaurdaino luzatzen dugu gure analisia, II. Mundu Gerraren amaieratik egungo globalizazioaren garaira arte alegia. Esparru kronologiko horretan «mundu» desberdinak eratu dira eta bakoitzak bere egiturazko ezaugarriak eta bilakaera berezia izan ditu: mundu kapitalista garatua, mundu komunista eta Hirugarren Mundua. Azken hogei urteetan aldaketa sakonak bizi izan ditugu, historia ez baita gelditzen. Errealitate desberdin horiek aztertzen ditu liburu honek hamaika gaitan, ezaugarri komunak zein kasu partikular nagusiak azalduz. Horrez gain, garai horretako nazioarteko harremanen berri eta analisia aurkituko du irakurleak bertan.

Liburuaren informazio gehiago jasotzeko, UEUko webguneko dendan kapitulu bat deskargatzeko aukera dago. Erosi ere bertan egin daiteke, eta nola ez, liburu-dendetan ere.