1990.eko udazkenean Udako Euskal Unibertsitateak dibulgazio-mailako Ihardunaldiak antolatu zituen BIlbon, Bilboko Udalaren Kultura Sailaren babespean; Gasteizen, Gasteizko udalaren babespean; Iruñean, Iruñeako Udalaren babespean; Donostian, Aurrezki Kutxa Munizipalaren babespean, eta Arrasaten, Arrasateko Udalaren babespean.
Direlako Ihardunaldietan, arlo eta jakintza desberdinetako gai zehatzak azaltzen dituzte adituek, helburu garbi batez: eskuarki aditu mailan dabiltzan gaiak plazara jaistea, espezialista ez direnengana erabatea, horretarako kontzeptuak era ulergarri eta didaktikoan azalduz.
Horrelako saioak gutxitan egiten dira gure artean, are gutxiago euskaraz<, eta horregatik interesgarria da argitaratzea, kontutan izanik horrelako gaiei buruz nekez aurki daitekeela euskaraz irakurgairik.
Bederatzi gai desberdin biltzen ditu liburuska honek: zortzi Ihardunaldietan landutako gaiak dira eta bestea 1991.eko UEUren Iruñeko Ikastaroen hasieran Jesus Maria Txurrukak emadako sarrea-hitzaldia da.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
