Liburu hau euskaraz argitaratzen den Errenazimentuari buruzko lehendabiziko eskuliburua da. Aztergai ditu XV. mendean Europako arteak, batez ere Italian eta Herbehereetan, izan zituen aldaketak eta XVI. mendean Errenazimentua izeneko estilo berriak nola zabaldu ziren Europako gainerako herrialdeetara.
Artearen eta artistaren kontzeptu modernoak Italian lortu ziren XV. mendean eta, horregatik, lehendabiziko kapituluak Italiako arteari eskaini zaizkio. Arkitektoek, eskultoreek eta pintoreek Antzinatea berreskuratzeko gogoa eta Erdi Aroko kristautasunarekin bat egiteko asmoa bultzatu zituzten. XVI. mendean asmo horien jarraipena, gailurra eta krisia gertatu ziren, guztiok ezagutzen ditugun maisu handien lanetan: Leonardo, Rafael eta Michelangelo. Ondoren, Manierismoaren krisiak agerian utzi zuen Errenazimentuaren ideala ezinezko ahalegina izan zela. Hala ere, XVI. mendean Errenazimentua Frantziara, Alemaniara, Ingalaterrara eta beste herrialde batzuetara zabaldu zen.