Liburu honetan Patxi Salaberrik euskal deituren inguruko azterketa egiten du,
bereziki patronimikoena, hots, aitaren izena seme-alaben deituran biltzen dutenena
(Eneko -> Enekoitz, Garindo -> Garindoitz, Gonzalo -> Gonzaletz, Lope
-> Lopitz, Mikel edo Mikele -> Mikeleiz...). Ikerketa Antzinatean hasten
da, baina zatirik mamitsuena Erdi Aroko datuei eskainirik dago, artean sistema
patronimikoa indarrean baitzen. Liburuaren bukaeran dokumentazioan ageri diren
patronimikoen zerrenda ematen du egileak, bakoitzaren oinarrian dagoen izena ere
aipatuz. Ezin da ahantzi egungo deitura anitzen jatorria iraganeko garai ilun
haietan bilatu beharra dela.