Mekanika Kuantikoaren iraultza zientifikoa 1925eko udaberritik 1927ko udazkenerako tartean gauzatu zen, Heisenberg-en matrize-mekanikatik (1925ean) eta Schrödinger uhin-mekanikatik (1926an) abiatu eta Born-en probabilitatearen interpretaziora (1926an) eta Heisenberg-en desberdintzetara (1927an) heldurik. Bohr-en osagarritasun-printzipioarekin (1927an) Mekanika Kuantikoari biribiltasuna eman nahi zitzaion Harrez gero, Kopenhage-ko interpresazioa izenaz da ezaguna, Bohr-en inguruan sorturiko bertsioa.

Gure aldetik, Mekanika Kuantikoaren interpretazio estandarrari bertsio errealista ematen saiatu gara. Hemen defendatu duguna ondokoa izan da, alegia, Mekanika Kuantikoaren ontologia estandarra errealista dela, ahu da, elektroi, protoi, fotoi eta gainontzeko kuantoien mundua guregandik kanpo dagoen mundua dela, guk behatu edo ez. Gainera, mundu kuantikoak Mekanika KUantikoak adierazten duen moduan funtzionatzen du.