Liburu hau UEUk hizkuntza-teknologien inguruan argitaratu behar duen bildumaren lehena da. Aztergai nagusiak bi dira: lehenik, hizkuntzen morfologia deskribatzeko eredu konputazionalak, eta, bigarrenik, euskararen deskribapen morfologiko osoa formalismo baten bidez.
Lehen atal nagusiak hiru kapitulu hartzen ditu: formalismo desberdinen azterketa egiten duen bigarren kapitulua, bi mailatako morfologia deskribatzen duen hirugarrena, eta LinguistX izeneko programaren zehaztasunak azaltzen dituen laugarren kapitulua.
Euskararen deskribapen morfologikoa, berriz, bosgarren kapituluan egiten da.
Bi atal nagusi horiek osatzeko deskribapen morfologikoen estaldura handitzeko hainbat proposamen azaltzen dira seigarren kapituluan.
Ariketa batzuk proposatu ondoren, glosategiak, bibliografiak eta aurkibide
alfabetikoak osatzen dute liburua.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
