Liburu honetan Gaur egungo munduaren funtzionamenduari so, kontzeptu jakin batzuk landu nahi izan ditugu: globalizazioa, kapitalismo neoliberala eta inperialismoa bereziki. Hori guztia oinarri, munduan sortutako gatazkak eta hainbat prozesu ulertzeko gakoak lantzea izan dugu erronka. Kontinenteka: Europaren eraikuntza eta izaera inperialista; mundu arabiarra eta Palestinaren garrantzia, eta, azkenik, Latinoamerikako prozesu bolivartarra zein Jatorrizko Herrien borroka antiinperialismoaren paradigma gisa.
Esku artean duzun lanean, unibertsitaterako ikasmateriala izanda ere —Soziologia, Zientzia Politiko, Kazetaritza edo Antropologiarako besteak beste—, landutako gaiak modu sinplean azaltzen dira, aditua ez den irakurlearentzat, inperialismo kontzeptuaren sarrera gisa, munduko gatazka nagusiak ulertzeko lerro nagusiak ulergarriagoak bilakatzeko. Erreferentziako materiala izatea nahi dugu, akademiatik haratago, edozein herritarrentzat.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
