Joannateguy Beloken sartu eta argitaratu zuen lehen liburua da, Euskal Klasikoen sail honetan, argitaratzen duguna. Esan daiteke Isturiztarra San Gregorioren atzetik ibili zela liburua osatzerakoan. Haren Elkarrizketak oinarri hartuta, bere erara antolatu zituen San Benoat beneditarren nagusiaren bizitza idazteko. Horrekin batera, eranskin gisa, Joannateguy beraren 'Eskuara' izeneko artikulua argitaratzen dugu, Julio Urquijok 1900ean, RIEV aldizkarian argitaratu zuena. |
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
