Arkitekto gazteen etorkizunaz eta beren ikasketez mintzatzen da Aldiri aldizkarian. Berrikuntza dakar, gainera; izan ere, aldizkariaren azken bi zenbakiak ale bakarrean kaleratu dituzte, ikasleen Karrera Amaierako Proiekturik (KAP) esanguratsuenak batu eta ezagutarazteko asmoz. Aldiri-ko Ula Iruretagoiena zuzendariak argitu dizkigu galdera eta zalantzak.

Unibertsitate liburuen kalitatea mantentzeko, eta, ahal den heinean, hobetzeko ardurarekin, UEU Udako Euskal Unibertsitateak argitalpen protokolo berria ezarriko du aurrerantzean. Sistema berri hori birmoldatzearen ardura Gidor Bilbao euskal filologo eta UPV/EHUko irakasleak hartu du bere gain.

Beste hainbat aditurekin batera, Itziar Villafañez UPV/EHUko irakasleak 'Enpresaren Zuzenbideko Sarrera: eskemak' liburua kaleratu du UEUren argitaletxean. Liburuak enpresa-jarduerari lotutako Zuzenbidearen funtsezko ezaugarriak eta edukia ikasteko oinarrizko trenza izan nahi du.

Eredu dinamikoen erabilera hedatzen ari da matematikaren irakaskuntzan, eta bere baitan sortu daitezkeen aukerak eta zalantzak argitu asmoz, Aitzol Lasa matematikariak "Jarduera Matematikoa eredu dinamikoen laguntzaz" liburua kaleratu du.