Ikasturte hasiera honetan, UEUk eskaintza berezia egingo du ikasleek (eta interesa duen orok) prezio merkean eros ditzaten testu-liburuak.
Amaia Agirre Miguélez gasteiztarra da, UPV/EHUn Soziologian lizentziatu zen ondoren doktoretza burutu zuen. "Negoziazio Prozesuak Bikote Berdinzaleetan" izeneko tesia defendatu du eta Uztaro aldizkariaren azken alean, 94.ean argitaratu du horren berri. Hori aitzakiatzat hartuta, bere artikuluaren inguruko elkarrizketa bat egin diogu.
Eusko Jaurlaritzaren Hizkuntza Politikarako Sailburuordetzak (HPS) ebatzi egin du 2015eko diru laguntza deialdia, urtero euskarako hedabideak sendotu, eraginkortu, garatu eta normalizatzeko helburua duena. Denera, 4.962.323 €, iaz baino 94.000 € gehiago. Iaz bezala, aurten ere irismena izan da laguntzak banatzeko irizpide nagusia, eguneroko informazioa edo albisteak edo gai hautatuak egunerokotasunetik haragoko sakontasunez lantzen dituzten hedabideen kasuan ehun puntutik 70 erabaki baitira irismen mailaren arabera, hau da, “hedabideak bere eragin-eremuan duen irismen-mailaren” arabera.
Egunera arte gizonezkoen kirol bezala ulertu den Pilota munduan, emakumeek zer-nolako errealitatea bizi duten aztertu du Uxue Fernandez Lasa pilotari ohiak Uztaro aldizkarian. Emakume pilotariak: gure taldea, gure ordua ikerketan, alde teorikoa ez ezik, alde praktikoa aztertu dute.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
