Pako Sudupe Elortzak “Emilio Lopez Adan: euskal iraultza libertarioaren pentsalari” liburua argitaratu berri du UEUrekin eta UPV/EHUrekin koedizioan.
Arreta Gabezia eta Hiperaktibitatea Nahasteak (AGHN) familietan duen eraginari buruzko artikulua argitaratu dute Uztaron Goretti Soroa Martinez, Lorena Revert Sanchez eta Aitor Aritzeta Galan ikertzaileek. Familia eta hiperaktibitatea elkarrekin biziz: atzikimendua eta heziketa estiloak izenburua duen artikuluari eta gaiari buruz gehiago jakin asmotan hitz egin dugu Soroa eta Aritzetarekin.
Bere master amaierako lanean oinarrituta, “Sanferminetako azken erritua: Villavesaren entzierroa” liburua argitaratu berri du Josu Ozaita Azpiroz antropologoak UEUrekin.
Kalean da dagoeneko Aldiri Arkitektura etabar aldizkariaren 40. zenbakia. Bertan, besteak beste, “Hezkuntza-espazioak: eskola-esperientzia, erlazio- eta eraldaketa-ingurune” izeneko artikulua dugu; Ula Iruretagoiena Busturia, Clara Eslava Cabanellas, eta Ahinitze Errasti Etxeberriaren ikerketa lanaren berri dakarrena. Iruretagoiena eta Errastirekin izan gara.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
