Unibertsitateko ikasmaterialak sustatzeko X. diru-poltsen deialdia amaitu da
11 LAN AURKEZTU DIRA eta hilabeteko epean irabazleak nortzuk izan diren ebatziko da.
Arlo desberdinetako lanak aurkeztu dira: Arkitektura, Ekonomia, Filosofia, Pedagogia, Psikologia, eta Soziologia.
Lana aurkeztu dutenen artean unibertsitate desberdinetako irakasle eta ikerlariak daude.
Liburu berria aurkitu dezakegu UEUko webguneko dendan, “EITB aro digitalean. Kudeaketa estrategikoa konbergentziara bidean”. Hainbat egileen artean idatzitako liburua da eta EITBko hedabideen (telebista, irratia eta internet) egungo konbergentzia-maila aztertzen da.
UEUren argitalpenen alorrak Transesterifikazioak. Biodieselak. Nola lortu biodiesela sukaldeko olioa erabiliz? liburua kaleratu berri du.
Sarri galdetu dugu frijitzeko olio erabiliak non amaitzen duen bere bidea eta guztiok batu eta birziklatu egiten dugula esan arren, liburu honek esaten digu gehienok “gezurrontziak” garela, harraskatik behera botatzen dugu eta ur-araztegietan metatzen da gure olioa.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
