SARITUAK Unibertsitateko ikasmaterial sustatzeko poltsen XIII. deialdian

Abenduaren 11an bildu zen epaimahaia eta Talde Eragileak berretsi ondoren
hauek izan dira aukeratutako proiektuak:

1. Agurtzane Elordui Urkizak, Euskal Filologian doktorea, eta bestek aurkeztutako Transmedia Kazetaritza Laborategia

2. Josu Lopez Gazpiok, Kimikan doktorea, aurkeztutako Kimika orokorreko eskuliburu praktikoa

3. Unai Vazquez Puentek, Soziologian lizentziatua,  eta bestek aurkeztutako Sistema globalizatuaren funtzionamendua

Beraiei esleituko zaie laguntza, hurrengo egunetan.

Eskerrik asko aurkeztu zareten guztioi eta zorionak irabazleei.

Ane Abarrategi gizarte arloan aditua da, elkarlanarekin eta hiritarren zein administrazioaren arteko parte hartzearekin garatutako lanetan dihardu.

Maddi Texeiro arkitektoa da, arlo kolektibo eta urbanoak lantzeko metodologian murgilduta dago. Elkarlanean sortutako diseinuan oinarrituta egiten du lan.

Espazioa betetzen duten aldagaiak aztertu eta jendearen parte-hartzearekin garatutako diseinuek bultzatzen dituzte neska ekintzaile hauek proiektu berriak sortzera. Ttipi Studioa sortu zuten Bilbon, erabiltzaileei lanerako espazio berriak eta diseinua uztartzen laguntzeko. 

Ko-lan. Lanerako kolektiboen eraldaketarako oinarriak artikulua argitaratu dute UEUrekin Aldiri aldizkariko 18. alean.

Amaia Mateos eta Tomas Villanueva arkitekto eta EHUko doktoregaiak dira, eta Aldiri aldizkariko 18. alean, Ordenagailuzko eta eskuzko lanen arteko erlazio berriak izeneko artikulua argitaratu dute. Bertan, erreprodukzio lanak egiteko ordenagailuzko eta eskuzko lanen arteko erlazioez zenbait gogoeta aurkezten digute.

Jone Omar Kimika Analitikoan doktorea eta Joint Research Centre-Institute of Rereference Materials and Measurements (JRC-IRMM) delakoan postdoc ikertzailea da, Belgikan.

Asier Vallejo Kimika Analitikoan doktorea da. Bestalde, Ingurumen Zientzietako Graduko (Farmazia Fakultatean) eta Ingurumen Kutsadura eta Toxikologia eta Marine and Environment Resources graduondokoetako irakaslea da UPV/EHUn.

Ingurumen-kutsaduraren analisia izenburupean, analisi kimikoaren xehetasunak, baliabideak eta mugak agertzeko liburua argitaratu dute UEU eta UPV/EHUren lankidetzarekin. Liburuaren lehen orrietan agertu bezala, ingurumenaren analisiaren gaia lantzeko tresna sortu dute. Hainbat teknika, prozedura eta arrazoi bildu dituzte airearen, uraren, zoruaren eta jakien analisiak egiteko, hurrenez hurren.